A Compostela Cup do Camiño

A Compostela Cup do Camiño representa a resposta deportiva e de lecer que ofrecen os distintos Camiños que levan a Santiago de Compostela, aos nenos e nenas de 18 ou menos anos.

Este Torneo ten por obxecto unir o deporte e o Camiño de Santiago, dous conceptos que reunidos expresan un soño dun mundo mellor, sen fronteiras nin atrancos culturais ou de raza.

O soño de intercambiar ideas, pensamentos e coñecementos con outros deportistas de nacións diferentes. Mozos e mozas de todos os países van gozar dos seus xogos preferidos e convivirán en torno ao Camiño compartindo experiencias e culturas diferentes.

Máis de 1.000 equipos participantes ao longo do Camiño. Máis de 15.000 deportistas chegados de todo o mundo a Santiago. Santiago de Compostela como referencia, como punto de encontro entre os deportistas de distintas especialidades deportivas: Fútbol, Fútbol Sala, Baloncesto, Balonmán, Xadrez, Karate, Taek-wondo, Tenis de Mesa, etc.

Este Torneo está composto por 3 fases, as cales son secuenciais no tempo, polo que para que unha comece ten que finalizar a fase previa. Estas 3 fases teñen un secuencia temporal marcada con anterioridade:

· 1ª Fase (local) 1 de novembro 2007 ao 29 de febreiro 2008

· 2ª Fase (comarcal) 1 de marzo 2007 ao 30 de abril 2008

· Fase Final (internacional) 14 de xuño 2008 ao 6 de xullo 2008